芒果鸡蛋起名佛山最具江湖地位噶5大鸡蛋仔
2025年10月21日 风云资讯
作者:佛山吃喝玩乐直通车
栏目编辑：爆炸丸
炸丸每次去出去lan街就一定会食鸡蛋仔
鸡蛋仔简直就系我噶lan街必备
唔系讲笑
我对鸡蛋仔噶迷恋程度用一句话可以讲晒
就系
"饭可以唔食，但鸡蛋仔绝对唔可以唔食"
▼
食左甘多年鸡蛋仔
系时候为大家介绍以下哩5间
"大佬"级别噶鸡蛋仔
阿叔鸡蛋仔
讲到鸡蛋仔，阿叔鸡蛋仔绝对系佛山人最为熟悉嘅一间老字号，唔好睇距店铺陈旧，距滴出品绝对大佬级！作为头号粉丝嘅炸丸从初中食到宜家！
甘多年黎，阿叔鸡蛋仔嘅价格都只系提升左1、2蚊，甘亲民嘅价格怪不知甘多粉丝。
阿叔嘅鸡蛋仔全凭阿叔多年嘅经验嚟把控烘烤时间，真系靠经验先整到甘正嘅鸡蛋仔。
鸡蛋仔嘅外壳又香又脆，而入边又软又弹牙，炸丸当年就系甘样比俘虏，直到宜家都一样甘钟意！
人均：6蚊
芳叔鸡蛋仔
号称系香港最传统嘅芳叔鸡蛋仔，距嘅鸡蛋仔真系可以食出香港风味。
食鸡蛋仔一定唔可以心急，我地慢慢等，但系等嘅时候飘嚟甘浓郁嘅奶香味，真系口水都留埋！
每一粒鸡蛋仔都系半空半实，里面嚼起身仲有滴似麻薯嘅口感，好食到甘真系犀利！
人均：14蚊
麦记茶档
麦记茶档以港式奶茶出晒名，不过唔好忽略距嘅鸡蛋仔，距嘅鸡蛋仔同样都做得好出色噶。
招牌芝士鸡蛋仔，浓浓嘅芝士味加上淡淡嘅奶香味，我钟意！
除左芝士鸡蛋仔，咸蛋黄鸡蛋仔同样唔可以错过。咸蛋黄鸡蛋仔甘独特，唔试就走宝！
每一粒都可以咬到咸蛋黄，真系会食上瘾！
人均：15蚊
以上哩3间鸡蛋仔都系传统经典款
接住落黎介绍嘅哩2间绝对系高颜值爆款
﹀
CHEESE BOMB芝吱挞
芝吱挞噶鸡蛋仔每款都系街拍爆款，靓到无朋友！
芒果冰淇淋鸡蛋仔，大大粒嘅芒果加上雪糕，芒果控绝对要投降！
如果觉得斋芒果有滴寡嘅话，不妨黎个草莓&芒果双拼，够晒满足了掛！
人均：20蚊
悠歌酸奶冰淇淋
悠歌嘅酸奶冰淇淋鸡蛋仔最出名，冰淇淋全部都系酸奶整噶！
网黑系列之黑炭芒果鸡蛋仔，真系黑到成旧炭甘！黑炭鸡蛋仔比普通鸡蛋仔要松脆好多，绝对要试下！
仲可以加只小猪佩奇上去，简直冧爆各位大小朋友！
当然仲有奥利奥、七彩巧克力、草莓等多种超高颜值鸡蛋仔，360°无死角任你影到够。
人均：21蚊
话晒都系大佬级别噶鸡蛋仔
甘有江湖地位
大家梗系要比下面去试试距啦~
【广告 | 直通车】
*素材来源于网络，若有侵权，请通知删除*
END
佛山吃喝玩乐直通车
长按二维码“识别”关注